ჩვენ ვქმნით სკოლის ისტორიას

      29 ნოემბერს კლუბის წევრებმა გააკეთეს საინტერესო ჩანაწერები ბორჯომის №6 საჯარო სკოლის შესახემ, მათი შეხედულებები და ინტერესები მრავალფეროვანი და საინტერესო იყო, მათ გაიხსენეს სკოლის წარჩინებული კურსდამთავრებული მოსწავლეები, მასწავლებლები, რომლებიც უკვე აღარ ასწავლიან მათ, მათი მშობლები, რომლებმაც ასევე განათლება მიიღეს მეექვსე საჯარო სკოლაში, ყველა ის ღვაწლმოსილი და ღირსეული ადამიანი რომელიც ისტორიამ ლამაზად ჩაწერა ჩვენი სკოლის ისტორიაში
                     კლუბის წევრებმა საკუთარი სურვილები დაწერეს ინდივიდუალურად და გააკეთეს გაზეთი, გაზეთზე დარჩა მათი ავტოგრაფები,  ხელმოწერები გააკეთეს სხვა მოსწავლეებმაც

პირველი თოვლი მოვიდა

გამოფენა ,,გიორგობა"

პლაკატები - ,, დიდი მხარვრების გამონათქვამები"

მოგეხსენებათ, რომ ხელოვანი ადამიანები ბუნებისაგან დაჯილდოებული ნიჭით, უნიკალური, საინტერესო, განსხვავებული ხასიათის ადამიანები არიან, მოსწავლეებმა მოიძიეს მსოფლიოს დიდი მხატვრების საინტერესო გამონათქვამები, მათთვის ძალიან სახალისო აღმოჩნდა, როგორც შუა საუკუნეების მხატვრების ასევე თანამედროვე მხატვრების გამონათქვამები და მოსაზრებები

სტუმრად ბორჯომის მხარეთმცოდნეობის მუზეუმში

მოსწავლეები სტუმრად ეწვიენ ბორჯომის მხარეთმცოდნეობის მუზეუმს, ნახეს ვიდეორგოლი ეროვნული მუზეუმის ექსპონატების შესახებ,(პროექტის ფარგლებში), მუზეუმში იმყოფებოდნენ სხვა სკოლის მოსწავლეებიც, იყო კეთილგანწყობილი და ხალისიანი გარემო. ვფიქრობ ასეთ პროექტებში მონაწილეობა მოსწავლეებს საშუალებას აძლევს კომუნიკაციის, ურთიერთთანამშრომლობის, ინფორმაციის გაგების, გააზრების, ლოგიკური აზროვნების და სხვ. უნარის გამომუშავებას

გაკვეთილებზე ურთიერთდასწრება,: ისტორია-ხელოვნება

გაკვეთილებზე ურთიერთდასწრება და განხილვა

ბლოგი - ელექტრონული რესურსი

ეს ბლოგი ერთგვარი ელექტრონული რესურსია ჩემთვის და ჩემი კოლეგებისთვის, მინდა კოლეგებთან ინფორმაციის გაცვლა. ვცდილობ, სათქმელი გავუზიარო მკითხველს და კარგი იქნება ბლოგმა გეზი მისცეს მასწავლებლებს სხვადასხვა სტრატეგიების, მეთოდების და მიდგომების გასავითარებლად, დასახვეწად.
   ჩემთვის მნიშვნელოვანია მკითხველის აზრი ბლოგის შესახებ, მადლობას გიხდით თანამშრომლობისთვის.

კარიერული წინსვლისათვის

  გადავწყვიტე მეც შევქმნა საკუთარი ბლოგი, მინდა ტრენინგებზე სწავლის შედეგი ვაჩვენო პრაქტიკულად, ჩვენ მოსწავლეებსაც ასე ვთხოვთ: - ისწავლე? - გამოიყენე... გააანალიზე... შეაფასე... გაუზიარე სხვას.
          ეს ბლოგი დღიურის მოვალეობას შეასრულებს ჩემს ცხოვრებაში, შევიტან ყველაფერს რასაც ვფიქრობ და ვაკეთებ, რა თქმა უნდა სკოლასთან, მოსწავლეებთან, კოლეგებთან დაკავშირებით, ვინაიდან ჩემი ცხოვრება მთლიანად კავშირშია სკოლასთან.
         მკითხველი ბლოგის ჩანართებიდან გაეცნობა ავტორის შესახებ ინფორმაციას, მის კარიერულ ზრდას, პროფესიულ საქმიანობას. ბლოგის მკითხველი ნახავს საინტერესო  ჩანართებს: ,,გაკვეთილის გეგმები",  ,,შეფასებები",  ,, ტესტები, შემაჯამებელი წერები",  ,,სამოდელო გაკვეთილები",  ,,სწავლა-სწავლების თეორიები, მეთოდები, სტრატეგიები"  ,,რესურსები",  ,,პრეზენტაციები",  ,, ღონისძიებები, გამოფენები"  და სხვა